قصة نجاح

 ايه ستار الربيعي

تولد بغداد مواليد ١٩٩٧  

بكلوريوس تحليلات مرضيه 

مستشاره عاطفيه  

مستمعة ممتازه وعندي طبيعه انو من تصيرلي مشكله او احد مقرب مني ما اعرف ابقى مكتفه ايدي احب ادور عن الحل ولازم الكا 

كانت تجربه حملي من اصعب التجارب الي مرت عليه بحياتي هالتجربه اجبرتني ابتعد عن زوجي وشغلي وانام في بيت اهلي لمده ٩ اشهر حفاظاً على طفلي بعد مده الحمل ورجوعي لبيت زوجي لاحظت اكو تغيير   بمعامله زوجي وبمكانتي بالنسبه اله بسبب البعد ف بديت ادور على حلول ويه نفسي صراحة حلولي تقليديه ف بديت ابحث بالنت واتعمق بالموضوع قريت كتب تخص العلاقه بين الرجل والمراءه قريت بحوث شفت هوايه وثائقيات بعدها بديت اطبق ع حياتي الشخصيه وشفت فرق واضح علاقتي مع زوجي رجعت افضل من قبل تعلمت شلون اصلح اي خطاء ممكن يصير واعدل على كل طبع او مفهوم غلط وايضا ارتب تفاصيل يومي بانتظام

بهالوقت اني عندي صفحة عامه على الانستكرام انزل بيها يومياتي ف بديت انزل مواضيع عامه تخص العلاقات ونصائح مره دخلتلي بنت طلبت انو اخذها استشاره خاصه صراحة مرفضت واخذتها وكلش حبت الاستشاره ف نزلت رائيها بالاستشاره ودخلولي اكثر من بنت الى ان حاليا عندي اكثر من ٢٠٠ حاله كل الحلول وياهم جابت نتائج ايجابيه اني اليوم جدا فخورة بهالشي معنوياً اكثر من ماديا لان حسيت قدمت فائده لهوايه بنات وعلمت هوايه بنات تختار شريكها صح وساهمت باصلاح علاقات زوجيه وخطوبه وعاطفيه اغلبهم وصلو للزواج بكل مره يدعولي بيها بالفرح لان همة فرحانين احس امتلكت كل الدنيا والي بيها

إقرأ أيضا