قصة نجاح
..لا شك ان الطموح يمكن ان يصل بصاحبه الى ابعد مدى ممكن ان يصل اليه خياله والى افاق اوسع مما كانت لتخطر بِبال احد ممن يعرفونه فلا يضنون ان يصل اليها في يوم من الايام ومما لا شك فيه انه لابد ان يدعم هذا الطموح كي يؤتي ثماره وليصل بصاحبه الى مايريد .
ريم هادي صالح مواليد ١٩٩١ فنانة تشكيلية خريجة بكلوريوس فنون جميلة جامعة البصرة انا ريم فنانه موهوبه بالرسم من صغري في عام ٢٠٠٩ صارت عدنا ظروف صعبه ومكدرت اكمل دراسة لكن ما توقفت ضليت مستمره ارسم واتقوه اكثر بالرسم فتحت مشروع لرسم اللوحات وما نجحت بي للأسف لأن بـ بلدنا ماكو دعم لهالشي ،بعام ٢٠١٤ قررت ارجع ادرس ثالث متوسط خارجي ونجحت اخذت الشهادة وقررت اشارك بمعارض للرسم وشاركت اكثر من معرض وبعت اكثر من لوحة بنفس الوقت درست سادس اعدادي ادبي ومانجحت ورجعت عدت السنة وهم ما نجحت جانت نسبة كلش ضعيفة الي يدرس سادس خارجي وينجح بعدها حولت على السادس تطبيقي ونجحت
ملاحظة :
هنا انا من عدت السادس ادبي ٣ مرات الخلل مجان بيه جنت ادرس ليل ونهار بحيث ساعات نومي كلش قليله واروح اجاوب وادري بنفسي مجاوبه ومن تطلع النتائج اشوف حاطيلي ب٣ مواد صفر مكتوبة كتابتاً صفر يعني معقولة مسلمة دفتر خالي ؟
ورحت واعترضت ع نتيجتي ومحد سوا شي
ع سنتين طلعت النتائج هيج
دخلت كلية الفنون الجميلة بنفس الوقت اشتغلت بأكثر من مكان كنت طالبة بالكلية وادرس طلاب بمدارس اهلية لمدة ٤ سنوات تخرجت من كلية الفنون الجميلة وقررت اتعلم لغة انگليزي بأحدى المعاهد وحالياً مستمره بيها لأن كان طموحي بالبداية ادخل كلية ترجمة بس للأسف مصارت بسبب قرار وزارة التربية المتخرج سادس تطبيقي ما يحق له يدخل غير بس كلية الفنون الجميلة فقط ، وايضاً اشتغلت بتقديم الاعلانات ع برامج السوشال ميديا وقريباً افتح مشروع خاص بي
عليك ان تعلم ان المستحيل في الحياة شيء واحد وهو ،احياء الموتى، ما عدا ذلك ممكن
لا شيء مستحيل عندما يكون الله معك
